ორგანიზაცია „დავიცვათ საქართველოს სისუფთავე“ საპილოტე პროექტს ახორციელებს ეკოსკოლებისთვის, რომელიც წრიული ეკონომიკის განვითარებისთვის ახალგაზრდების გაძლიერებას ისახავს მიზნად.
E-SPACE არის საპილოტე პროექტი, რომელიც ამჟამად საქართველოს 10 სკოლაში ხორციელდება და რომლის მიზანია მოსწავლეთა განათლება და გაძლიერება წრიული ეკონომიკის პრინციპების გააზრებისა და ათვისების მიზნით.
ამ სკოლებს შორის არის წმ. გაბრიელ ეპისკოპოსის სახელობის წყალტუბოს სასულიერო გიმნაზია, სადაც 27 აპრილს ჩატარდა რიგით პირველი გაკვეთილი “მიჰყევი საიდუმლო ბილიკს”,VIII კლასის მოსწავლეებთან (პედაგოგი ნინო ზაქარაია).
მოსწავლეებმა შეაფასეს ნივთების სასიცოცხლო ციკლები , განსაზღვრეს რა მასალისგან შედგება და რა ენერგია სჭირდება პროდუქტის დამზადებას , რა ეკოლოგიურ გავლენას ახდენენ გარემოზე . რა ეტაპები შეიძლება გაიარონ მათ “აკვნიდან- აკვნამდე”.
იმსჯელეს რისი შეცვლა ან გაუმჯობესება შეეძლოთ რომ მათ ხელთ არსებულმა პროდუქტებმა ბუნებას ნაკლები ზიანი მიაყენონ , თუკი ისინი უკვე გამოუყენებელი ნივთები იქნებიან .#გიმნაზიისეკოკომიტეტი
#ჩვენვზრუნავთჩვენსპლანეტაზეიზრუნეშენც
Keep Georgia Tidy – დავიცვათ საქართველოს სისუფთავე – KGT
