ზოგადი განათლების ეროვნული მიზნებიდან გამომდინარე, ეროვნული სასწავლო გეგმა გამოყოფს პრიორიტეტულ თემებს, რომელთაგან ა(ა)იპ წმინდა გაბრიელ ეპისკოპოსის სახელობის წყალტუბოს სასულიერო გიმნაზიამ აირჩია კულტურულ მემკვიდრეობათა დაცვის მიმართულება.
აღნიშნული პროექტის ფარგლებში ისტორიის მასწავლებლის, ბადრი პაპავას და მათემატიკის მასწავლებლის, ანი კირთაძის ინიციატივით, მე-10 კლასის მოსწავლეები (დამრიგებელი: ანი კირთაძე) იმყოფებოდნენ ქუთაისის მხარემცოდნეობის მუზეუმში და ნიკო ნიკოლაძის სახლმუზეუმში. მათ მოილოცეს იქ დაცული არა ერთი დიდი სიწმინდე, გაეცნენ უნიკალურ ექსპონატებს.
მოსწავლეებმა თავი გამოიჩინეს გიდთან დიალოგში და არსებულ ცოდნას ბევრი სიახლეც შემატეს. ხოლო ნიკო ნიკოლაძის სახლ-მუზეუმში გაეცნენ ამ უდიდესი პიროვნების ღვაწლს და ასევე ნახეს არანაკლებ მნიშვნელოვანი მოღვაწის, მეცნიერ, გიორგი ნიკოლაძის პირადი ნივთები და ნაშრომები. მოსწავლეები აღფრთოვანებას ვერ მალავდნენ მათი უდიდესი ღვაწლის წინაშე.
