წმ. გაბრიელ ეპისკოპოსის სახელობის წყალტუბოს სასულიერო გიმნაზიაშ გრძელდება ქალთა თვისადმი მიძღვნილი კვირეული “წარსულიდან…….მომავალში”
21-ე საუკუნის მსოფლიო წარმოუდგენელია კომპიუტერისა და პროგრამირების გარეშე.
სამყაროს გაციფრულება იმაზე სწრაფად ხდება ვიდრე ეს ჩვენ წარმოგვიდგენია. კომპიუტერული მეცნიერებები ის სფეროა, რომელიც ჩვენს პლანეტას მომავლისკენ ამოძრავებს
მიუხედავად იმისა, რომ საზოგადოება ქალის და საინფორმაციო ტექნოლოგიების ერთმანეთთან კავშირს დღემდე ეჭვის თვალით უყურებს, რაც არ უნდა დაუჯერებლად ჟღერდეს, მსოფლიოში პირველი პროგრამისტი იყო ქალი…
სწორედ ჩვენი დროების, წარმატებულ ქალბატონებზე მოამზადეს VIა კლასის (დამრიგებელი: ქრისტინა ქუთათელაძე) მოსწავლეებმა დღევანდელი პრეზენტაციები,
წარმოადგინეს მათი მტკიცე ხასიათი, გამბედაობა და მიზანდასახულობა.იმსჯელეს და ისაუბრეს, ტექნოლოგიების საჭიროებასა და აუცილებლობაზე. გაავლეს პარალელები და შეაფასეს თავიანთი შესაძლებლობები.
პრეზენტაციას ესწრებოდა გიმნაზიის ხარისხის მართვის მენეჯერი, ფიქრია კვაბზირიძე, რომელსაც ძალიან მოეწონა ბავშების მიერ მომზადებული და წარმოდგენილი ქალბატონების ისტორიები, მოტივაცია აუმაღლა მათ და უთხრა, რომ თ ისინიც მათთსავით დაისახავენ მიზანს ამას აუცილებლად მიაღწევენ.
ბოლოს კი წარმატებები უსურვა გონიერ ბავშვებსა და მათ მასწავლებელს.
